機械腕錶最主要嘅功用係咩？表面上的答案應該係「為佩戴者準確報時」，換言之一隻機械腕錶係要被人戴上手，先算係完成緊佢嘅「錶生」意義。但近年買錶為「報時」定「報價」，大家心知肚明，而又為免影響報價，大家買到都情願用黎擺，就算會戴都要就住就住，咁仲算唔算係「Own」緊隻錶？

PANERAI早前於Watches & Wonder推出一系列新錶，其中有以下呢隻Submersible Bronzo Blu Abisso，就係一隻要大家戴出自己味道嘅腕錶。

PANERAI早期的確係以銅作為旗下潛水錶主要物料，例如上年品牌70週年紀念，香港旗艦店就曾展出當年錶面有豉油碟嘅潛水錶。後來因為技術進步，銅漸漸被精鋼等其他物料取代，但PANERAI自2011年的PAM00382起，隔幾年就會出隻「Bronzo」驚艷大眾。而最新的PAM01074就係Bronzo系列中首枚42mm款式，錶殼、單向旋轉錶圈、指針、時標、錶冠及錶冠護橋都係以青銅製成，配上啞面藍色錶盤。內裏為P.900自動上鍊3日動力儲存機芯，有小秒盤及日期顯示、300米防水。

之所以話呢隻「Baby Bronzo」係用黎戴，係因為青銅錶殼會隨時間以及使用者佩戴習慣而改變。換言你隻Bronzo同我隻Bronzo出廠時雖然一樣，但戴下戴下就會有各自嘅變化，展現出佩戴者嘅個人特色。

PAM01074只限PANERAI網站及專門店有售，建議售價HK120,090，每年限量發行1,000隻。

資料來源：PANERAI