Panerai最出名嘅特色，除咗個錶冠護橋之外，就係以氚為基礎嘅發光物料Luminor。適逢Luminor面世70週年，Panerai去年就推出多款保養期長達70年嘅Luminor Marina，最新就有呢隻以恆重自由潛水世界冠軍 Guillaume Néry為創作靈感嘅Luminor Marina Guillaume Nery特別版 (PAM01122)。

Marina Guillaume Nery特別版嘅本質依然係一隻Luminor Marina，標誌性嘅錶冠護橋、護橋槓桿、錶冠一應俱全，內裏亦同樣用上P.9010自動上鍊機芯，提供三日動力儲存。而特別版與一般Luminor Marina嘅最大分別在於用色以及物料。44mm錶殼用上噴砂DMLS鈦金屬，錶冠護橋盯用上噴砂鈦金屬，至於錶圈、錶冠及護橋鎖桿嘅黑色，就來自橡膠化塗層，令質感更為特別。底蓋刻有Guilaume Nery嘅簽名以及其下潛時嘅身姿。

錶帶方面，除咗有配搭白色車線嘅黑色PET樹脂纖物錶帶，仲有首次印上夜光「Officine Panerai」嘅白色橡膠科技錶帶，令收藏度更高。限量70隻，只限Panerai專門店有售，售價HK$147,500。