G-Shock每年都會推出一隻特別貴、特別靚、特別有收藏價值嘅腕錶，而今年推出嘅就係呢隻「MRG-B2000SH 衝擊丸Shougeki-Maru」。限量400隻，售價為HK$63,880。

而「衝擊丸」貴就貴在錶殼嘅造功。以日本武士所用嘅「兜 (頭盔)」為靈感，用上鉄錆地 (鐵鏽色) 處理，通過鑄造工匠菊池正直嘅砂模處理，為手錶增添古老感覺，然後再加上棕色、藍色離子電鍍層，令整體呈現迷離科幻的格調。而錶圈嘅飾紋及飛龍則由日本首屈一指的手工金屬工匠之一小林正雄先生以人手雕上。整體感覺充滿藝術感同時又極為硬朗。