上世紀60年代，人類最大嘅目標就係衝出地球，探索宇宙，而隨住1969年登月計劃成功，美國太空總署，即係「NASA」呢個名亦唔再係一個美國政府機構，而係一個時代嘅象徵。而為咗表揚NASA嘅豐厚功業，G-Shock就推出隻特別版DW5600。

呢隻名為「DW5600NASA20」嘅特別之作，用上純白錶身襯托錶面上嘅紅色NASA標誌，錶帶上則寫上「NASA」的全名，錶扣則有美國國旗，錶底亦則有月球圖案。值得一提嘅係雖然隻錶有NASA Logo，但純粹作為裝飾使用，所以功能方面講真就冇咩特別，除咗EL背燈亮起後會有個紅色嘅月亮之外，都係防震、200米防水、計時、鬧鐘等等G-Shock必備功能，但假若你係一個太空探索愛好者，又莫名地覺得佢幾吸引囉。(售價USD$130，約HK$1000)。

G-Shock