Panerai於W&W中一口氣推出8款腕錶，主力為Luminor Marina系列，用上多種不同材質、技術造出不同風格的變奏。而其中個人認為最搶眼的，就是呢隻Luminor Marina DMLS 44mm (PAM01662)啦！

你以為佢搶眼係因為佢純啞黑色嘅外表？都啱，但第一樣吸引我眼球嘅，其實係睇落有莫名熟悉感、而且睇咗幾次我先睇清嘅「DMSL」四個字！實際上佢係咩呢？原來係「Direct  Metal Laser Sintering (直接金屬鐳射燒結)」嘅縮寫，利用大功率光纖鐳射將鈦金屬粉末燒結成厚度僅為30微米（0.03毫米）的薄層，然後逐層堆積，最終製作輕巧堅韌嘅錶殼。

另外錶圈錶冠及錶冠護橋則用上Carbotech™碳纖維複合物料，再配上未經拋光的三文治結構煙灰色錶盤、品牌標誌性Super-LumiNova™夜光物料時標及時分針，以及Sportech™材質黑色錶帶，黑得非常有型。

機芯則用上了Luminor Marina經典的P.9010機芯，三日動力儲存。300米防水。