另一「正」就係佢提供嘅Cocktail。餐廳認為「Zeng」有萬物篩一之意，所以整體設計包含新舊中西，連酒單都係中西合壁。例如傳統雞尾酒「Old Fashioned」會用威士忌，Zeng就將其變成中國酒，再加陳皮等東方香料，調好後仲要倒返入個古裝劇先見到嘅酒壺，再加荔枝木燒出黎嘅煙先完成，味道亦娛得複雜而有特色，非常破格。另外亦有出自《孫子兵法》嘅「風林火山」Shot，以及分半鐘飲完有嘢送嘅「八陣圖」。

值得一提嘅係大部份特色雞尾酒賣相都相當「IG-able」，例如「Vampire Bubbles」為紅色伏特加再加乾冰出哂煙咁、玫瑰氣酒「Mr.Woman」個杯仲有堆花瓣喺到，帶埋女伴去影返幾張靚相都抵玩。