寫真女星講到尾都係靠姿色搵食，所以職業生涯一般都唔會太長，可以活躍十年已經算係非常難得。但今晚要介紹呢位「宇咲」雖然已經於寫真界出道十年，但就到近日先開始見到成熟女人嘅韻味，相信再活躍多十年都唔係咩難事——因為今年都只係22歲！

2003年出世嘅「宇咲」，最早於11歲同媽媽於原宿行街時就已經被星探發掘，然後就以「柊 宇咲」之名一邊加入偶像團體，一邊就開始拍攝少女水著寫真。不過佢當時嘅寫真無掀起咩水花，偶像發展亦唔見順利，兩次出道都因團體解散而需要另尋出路。直到2021年佢改名「宇咲」並加入美女雲集嘅「＃ババババンビ」先真係開始廣為人識。

由於「＃ババババンビ」幾乎全員都有拍寫真嘅關係，「宇咲」亦好自然重操寫真故業，仲好快憑住充滿年輕活力嘅D Cup身材成為雜誌常客，令其人氣更上一層樓。

直到近來佢第六次登上《週刊Playboy》，編輯就大讚22歲嘅佢最近啲寫真都展現出成熟氛圍。從照片中亦可以感覺到佢慢慢洗去當年嘅「妹妹感」，開始展現出成熟女性應有嘅魅力。亦令人非常期待再過幾年真正大熟大勇之後，佢究竟會有幾咁吸引？

IG：usa_usa0427