作為一個異性戀男人，你應該能夠體會男人對於女性胸部（不論大小）嘅渴求。而對於男性嘅呢份偏好，過去學術界有兩種解釋：第一，係來自基因嘅影響；第二，係「西方父權系統性化女性」後嘅產物，即係「父權禁止女性露出胸部，繼而引發男性對女性胸部嘅幻想。換言之，前者係「天性」，後者就話係「後天學習」。而近日一個最新研究，就似證明男性對女性嘅胸部嘅喜愛係天生而來。

圖片：Pexels

來自波蘭Wroclaw大學嘅「Michal Stefanczyk」，早前深入印尼西新畿內亞島上嘅一個原住民部落進行相關研究。之所以會揀呢個部落，係因為傳統上此部落嘅女性於日常生活中都係赤裸上身，到近20年受西方文化影響先開始著衫遮蓋。換言之部落中年紀較大嘅男性係生長於一個「女性赤裸胸部隨處可見」嘅環境，而較年輕嘅男性則反之，於是透過比對兩組男士，就能知道「隨時見到女性胸部與否」係咪對「女性胸部嘅喜愛」有所影響。

圖片：Pexels

Michal Stefanczyk於部落中分別搵黎40名年長男性及40名年輕男性，並詢問佢哋與伴侶做愛時有幾常觸換對方嘅胸部、見到女性裸露嘅胸部又有幾引起佢嘅「性趣」。結果就發現，兩組男士嘅行為及反應基本一致，亦即係話，無論係咪見慣女性嘅赤裸上身，部落男士對女性胸部嘅喜愛都係一致嘅。再換言之，就即係部落男性對於女性胸部嘅喜愛似乎係天生而成，而非受西方文化影響。

Michal Stefanczyk亦指出，部落男性表示女性嘅胸部大小對於佢哋擇偶係「唔重要」嘅。同時亦指出自己並非要為男性行為下價值觀判斷，「件事係咁就係咁。但如果我哋同於咁係自然嘅，我哋就可以諗下點樣處理佢。」

資料來源：New York Post