自從疫情之後，在家工作、視像會議就成為辦公室常態之一，同時亦鬧出唔少烏龍及笑話。近日有個日本網民就於X（Twitter）上發文分享，拍某日大家開Zoom會議時，某位前輩嘅畫面竟然傳出AV聲音，而作為後輩嘅佢立即機警救駕。事後雖然獲得前輩請食飯答謝，但又因為講多咗一句嘢而被前輩話佢「牙敗！」（日文ヤバい，可以係糟糕，亦可以係好勁嘅意思）。

ミュートしてたらバズっていたw

補足
①流出は音声のみ
②ヨーデルヨーデルは妖怪ウォッチで、童謡ではありません。大画面で踊ってやりました
③先輩に仕事中に栗山莉緒(@Kuriyama_Rio)流すのやめてくださいよ。言うたら、先輩から声でわかるのヤバいな！って言われました
④お前のがヤバい か ら な

— いっぴき社長 (@r7910x) November 14, 2024

據X上嘅「いっぴき社長（r7910x）」分享，某日大家開Zoom會議時，有位前輩嘅畫面突然傳出AV聲音，而佢立即就瘋狂地唱出「約德爾（ヨーデル）」為佢掩飾，事後前輩就請咗佢食咗餐大約1,500Yen嘅飯作為答謝。而當呢篇帖文獲得大量網民關注，並讚賞佢有義氣、有急才之時，「いっぴき社長」就提供更多補充資料。佢話當日前輩只有流出聲音、並無流出畫面，所以佢先可以用唱歌幫手掩飾；同時佢指自己當時唱嘅「約德爾」唔係瑞士民歌（即係《飄零燕》主題曲嗰種），而係《妖怪手錶》嘅體操歌，而且仲一邊唱一邊跳舞，可謂犧牲色相。

栗山莉緒

但最有趣嘅係，「いっぴき社長」指自己事後勸告前輩「返工時唔好睇栗山莉緒」，換言之佢單從聲音就認出前輩當日睇緊邊個AV女優嘅作品，於是被前輩反過來笑罵「聽聲你都認得栗山莉緒，你都真係真係『牙敗』」。對此「いっぴき社長」於X上回應：「前輩你先牙敗！」