每逢年尾，各大網站都紛紛公布自家年度報告，龍頭色情網站Pornhub日前就公布本年度各項統計數據，等大家知道今年咩Keywords最多人搜尋、用戶多數嚟自咩國家、平均觀看時間幾耐等等，一齊嚟睇下你有冇份貢獻流量？

熱門搜尋關鍵字方面，「hentai」（日文「變態」嘅羅馬拼音）連續三年成為冠軍，意指日本嘅色情或情色動漫作品，其後分別係「milf」、「lesbian」、「japanese」、「pinay（菲律賓女性）」以及「anal」。值得一提嘅係，「granny」、「Daddy」、「Mature」等成熟類別嘅關鍵字都有上升趨勢。

而流量排名方面，美國今年再以壓倒性優勢奪冠，無他嘅，話晒都係英文網站，所以都唔難理解呢個結果。其次就係菲律賓、法國、墨西哥、英國、日本等地，排名頭20個國家就佔咗Pornhub每日總流量嘅78.5%。

至於觀看時間方面，全球用戶平均觀看時間為10分09秒，不過18-24歲嘅年輕一代可能比較「衝動」，平均觀看時間縮位至8分55秒，相反年齡愈大嘅用戶平均觀看時間就愈長，65歲以上嘅用戶平均觀看時間長達11分26秒，比平均值多出77秒。報告亦提到其他有趣數據，有興趣嘅朋友可以去官網瀏覽完整版。