今年88歲嘅小笠原祐子，係地球上最高齡現役AV女優，佢近日接受傳媒訪問時就大談入行經過，更揚言要拍到90歲先退休。

2016年以81歲高齡出道嘅小笠原祐子，表示入行純屬意外，當年友人不斷遊說佢投身AV界，並以約食飯為由將佢介紹畀一位AV製作人，起初佢都以「唔想俾人見到裸體」拒絕，但見到對方鍥而不舍，便答應會去拍攝場地參觀。

到達拍攝場地後，小笠原祐子發現現場正拍攝一部老人院題材作品，有5至6位年長男優同一位年輕女優於鏡頭前「激情對撞」，於是隨口講咗句「我唔鐘意咁樣，如果唔係靚仔嘅話我就冇興趣啦」，當時製作人就反問「即係靚仔嘅話就可以？」。結果10日後，片商就致電小笠原祐子表示已經搵到年輕靚仔應戰，為咗唔辜負對方嘅努力，最終決定下海。

小笠原祐子出道後雖然同唔少年輕男優發生過關係，但仍然大讚亡夫嘅尺度同技術先係No.1，甚至直言工作期間從來冇高潮過，指如果老公在世，自己就唔會入行。至於屋企人嘅睇法，阿仔就表示希望媽媽身體健康同長壽，支持佢做自己鍾意做嘅事。

小笠原祐子產量唔高，大約一年只出產一部AV，不過佢仍然充滿熱情，希望能夠拍到90歲先退休。