集英社旗下雜誌《週刊Playboy》上月底破天荒推出首位AI生成偶像「五月愛」，甜美臉孔加上索爆身材隨即引起網民熱烈討論，甚至擔心AI日後會搶走一眾真水着女星飯碗。然而，呢位「AI水着新星」寫真集上架唔夠半個月就突然宣布停售，疑似同前早被指外貌抄襲《幪面超人REVICE》反派椛島光（舊名:浅倉唯）有關。

オトコの理想をギュギュッと詰め込んだ“たぬき顔”の“妹系美少女”が誕生????
たとえ彼女は実在しなくても、芽生えた恋心はホンモノ
「AIグラビア」、あなたはアリですか？

グラジャパ！限定カット付き????

さつきあい@ai_satsuki_ai
デジタル写真集『生まれたて。』https://t.co/X0yCy41KjF pic.twitter.com/bY8wLyldl1

— 週プレ@グラビア (@shupure) May 28, 2023

日本青少年雜誌《週刊Playboy》於5月29日公開首位AI生成偶像五月愛（さつきあい），標榜集結男士心中理想型及偏好生成嘅夢幻形象，並同步推出首本個人寫真集《新生（生まれたて。）》，要價499日元。然而，有網民就發現五月愛同《幪面超人REVICE》反派女星椛島光（浅倉唯）樣貌極為相似，認為編輯部有侵權之嫌，而且除咗撞樣之外，五月愛嘅「人物設定」亦同椛島光一模一樣，同樣係身高157cm，鍾意打機，結果引發炎上。

《週刊Playboy》於昨日就貼出公告，表示寫真集推出後收到多意見，經內部審查及檢討後，編輯部認為製作過程中並未充分考慮AI生成嘅各種問題，以及AI產品商品化嘅問題，所以決定自6月7日起停售寫真。另外，亦有網民發現五月愛嘅官方Twitter「@ai_satsuki_ai」已偷偷關閉，睇嚟呢位水着新星已經「被畢業」。