大部份人睇「日本愛情動作片」，無論滿意定唔滿意，通常都係同「動作」或者「演員」有關。但近日有日本網民就於Twitter發文，表示睇到一套AV令佢非常不爽，只不過不爽嘅地方，竟然係AV中嘅家居擺設。

インテリアの配置下手すぎAVでも見るか pic.twitter.com/L01QSFdEER

— Kくん (@kkun414) December 29, 2022

卻說日本網民「Kくん @kkun414」早前於Twitter貼出一張AV畫面截圖，表示畫面中嘅家居佈置實在太差，差到佢冇辦法睇埋套AV。而佢貼出黎嗰張圖，就係來自森沢かな (前名 飯岡かなこ) 主演嘅MIAA-715 (個名太多唔出得街嘅字，大家自己搵下啦)。截圖中所有人都有著衫、亦無進行緊任何身體接觸，簡單黎講就係大家平時睇AV一定會飛走嘅畫面。但畫面中嘅家居擺設就係網民吐糟嘅重點。佢哋話點會有人將床、梳化同茶几放哂喺同一個空間，而且張梳化對住張床同後面埲牆，而張茶几就遠到無論坐床定坐梳化都掂唔到、床邊靠牆位置仲有個書架。有人仲話呢個擺法同《動物森友會》嘅新手一樣，都係無考慮生活方便，直接有位就放咁。

不過亦有人表示呢個擺法冇問題。例如梳化對牆可能係想用牆黎做投影屏幕、書架放床邊可能係方便瞓覺前睇書等。亦有人指出呢個擺法可能係方便演員們於不同位置進行不同動作；另外亦有人指出啲家居咁樣擺，就可以一個鏡頭影哂床舖同梳化，就攝影而言係一個非常好嘅擺法。而我個人就比較好奇呢位網民當初係點發現呢個畫面，唔通日本人睇AV係唔會飛住黎睇？