著名美國AV女演員Lana Rhoades於今年初誕下一子，隨即就宣佈因為失去性慾而退出AV界，對一眾男士黎講當然係一個噩耗，但原來對Lana Rhoades都唔係一件好事。因為日前佢喺IG拍片自爆個仔嘅爸爸似乎拋棄佢兩母子，更重要嘅係，呢個負心漢係一個NBA球星！

在 Instagram 查看這則貼文

Lana Rhoades（@lanarhoades）分享的貼文

Lana Rhoades上週末於IG及TikTok發佈一條短片，片中見到佢著住一件貼身性感背心、企喺個類似後花園咁嘅地方說到：「我發誓我以為NBA球星都係好人，但當我同佢講我有咗，佢就叫我Fuck Myself。」然後就抱起個仔Milo。似乎就係埋怨緊個仔嘅親生老豆棄佢兩母子於不顧。

Lana Rhoades被人「o趙完鬆」對Fans黎講當然係震驚嘅消息，但更令人震驚嘅係對方竟然係個NBA球星。之於對方係邊個？留言中亦有網民點名提到Blake Griffin及Kevin Durant。

在 Instagram 查看這則貼文

Lana Rhoades（@lanarhoades）分享的貼文

先旨聲明，兩個「人選」目前都只係網上傳聞，首先Blake Griffin曾經與Lana Rhoades傳出緋聞，所以就被視為人選之一；另一邊廂Lana Rhoades去年6月曾透露，在「不久之前」曾與一個「天秤座嘅網隊球員」約會過，而成個網隊目前就係得Kevin Durant係天秤座。有趣嘅係Lana Rhoades指呢名「天秤座球員」為人相當奄悶，問佢啲咩佢都答「我冇意見呀，我冇嘢鍾意架」，搞到Lana Rhoades相當無癮。

話分兩頭，考慮到Lana個仔大概係去年年尾、今年年初左右出世，去年6月時佢理應已經有咗，所以如果Kevin Durant係Milo個親生老豆，似乎有啲太趕；而從影片中見到Milo嘅膚色亦唔算太深，個樣仲好似有幾分似Blake Griffin…大家又點睇？