唔少男人都有個錯覺，覺得身材好嘅女仔，於「性」方面就會更加開放，再加上大家都知身材好嘅女仔更吸引男性目光，所以就認為「身材好嘅女仔一定更容易出軌」。不過根據外國「已婚約會網站」(係呀，即係專門畀人搵出軌對象嘅網站) illicitencounters.com 嘅調查，其實身材唔太好嘅女仔，出軌機率更高！

天木じゅん

話說呢個網站日前公佈咗個報告，指佢哋詢問咗1,000名女性用戶嘅身材資訊，結果發現有69%都屬於「細胸」組別，即上圍罩杯為AA至C Cup，而D或以上嘅「大胸組」女性只佔31%。其中用戶人數最少嘅組別係F Cup或以上，最多人嘅組別就係B Cup，佔全體人數中嘅35%。

由於個網站本身就係專為已婚人士尋找「約會 (出軌) 對象」而設，所以網站得出嘅結論就係：細胸嘅女士出軌機率比大胸女士更高，而且B Cup嘅女士出軌機率最高！

坂ノ上茜

不過要留意嘅係，由於網站並無公佈詳細嘅統計方法，所以以上嘅數字有可能只係反映出「細胸女士人數本來就較多」，自然「尋找出軌機會嘅細胸女士人數」亦會較多；同樣道理，有D Cup或以上身材嘅女性本來就較少，所以會成為網站用戶嘅比例亦較少。

簡單黎講，即係大家唔好拎住呢篇文走去同啲身材唔太豐滿嘅女仔講：「你會出軌呀！」

資料來源：Worldofbuzz