琴日同大家報導咗一代花花公子Dan Bilzerian拉埋天窗嘅消息，大家嘅反應都係不以為意，認為結咗可以離，就算唔離都唔代表「丹爺」會從一而終。不過要數反應最大嘅，大概就係另一「現代花花公子」Tony Toutouni (IG: lunatic_living)，事關佢琴日立即上傳一條片，疑似嘲諷丹爺決定結婚。

在 Instagram 查看這則貼文

Tony T（@lunatic_living）分享的貼文

先旨聲明，以下報導僅引用Tony Toutouni嘅言論，不代表本人及本台立場呀下。就咁嘅，昨日喺丹爺上傳結婚相之後冇耐，Tony Toutouni就係IG上傳咗上面呢條「怒打模特兒Pat Pat」嘅影片，考慮到Tony Toutouni個IG不嬲都充斥住呢類貶低女性嘅內容，本來就唔係啲咩新奇事。但睇埋個Caption就唔同講法啦！因為佢寫到：「如果你唔打佢哋、管好佢哋，佢哋就會當你係驢仔咁騎，又或者更差嘅就係叫你同佢結婚」。呢番相當有簡炳墀影子嘅說話，喺呢個時機講出黎，就連留言嘅網民都認為佢係嘲笑緊丹爺結婚。

在 Instagram 查看這則貼文

Tony T（@lunatic_living）分享的貼文

在 Instagram 查看這則貼文

Tony T（@lunatic_living）分享的貼文

現年49歲嘅Tony Toutouni本為伊朗人，年輕時走難到美國，由汽車銷售員做起，再買下夜總會成為老闆而致富，曾經因為於丹爺同樣靠炫富及炫女而吸獲大量Fans而被相提並論。但佢有講過自己係因為見到丹爺嘅成功，所以先開始經營社交媒體，仲話自己同丹爺係朋友黎。不過Tony Toutouni嘅內容風格就相當粗暴，IG上不時會有將模特兒鎖入狗籠、用狗帶綁住、叫佢哋舐腳趾等照片，相比之下Dan Bilzerian簡直係謙謙君子。