早前我哋同大家報導過日本國會通過「AV新法」，表面上係為咗保障演出者，實際上就係令整個合法AV業界大受影響、暑假拍攝全停、女優完全停工。日前著名男優清水健就於Twitter發表對「AV新法」嘅睇法，指新法通過後簽約嘅時間仲長過拍攝時間，而且佢認為「非法AV」根本唔會理會AV新法，亦即AV新法其實無助保障演出者。

AV新法の成立で、出演者全員が毎回毎回同じ書類を書くことに。

そしてAV制作会社は、契約会社状態に。

撮影時間よりも、契約してる時間の方が長いんじゃない？笑

"同人AV業界"の人達はちゃんとこれをやってるんですかね？????
(ウチらは適正AV業界)

そこ、頼みますよ。

— AV男爵しみけん (@avshimiken) June 21, 2022

於「AV新法」之下，片商每拍攝一部作品，都要與所有演出者 (女優、男優、汁男優等) 簽訂一份新嘅合約，而且合約簽好後最少要一個月先可以開始拍攝，拍攝完成後，又要等演出者同意作品成果後4個月先可以將作品上架，換言之即使一切順利，一部作品由簽約到上架最少都要5個月時間。

而清水健就於Twitter上分享，自從AV新法成立之後，所有演出者每次都要簽訂一模一樣嘅合約，演出者亦要一一確誌所有拍攝內容，「簽約要用嘅時間仲長過拍攝嘅時間」。而且由於合約期限只係一部作品，換言之所有演出者都變成非正式員工嘅「契約社員」，獲得嘅福利及保障反而更少。

清水健亦提出疑問：「『同人AV業界』真的會跟住做到足嗎？」所謂「同人AV業界」即係由非法片商 (有時只係一兩個人) 拍攝、於FC2等平台上販售嘅作品。由於本身就係非法，所以基本上完全無視如「必須有碼」等日本相關法規，自然地亦唔會理會「AV新法」。換言之「AV新法」對合法AV業界造成巨大衝擊，但對非法業界就毫無影響，結果反而會令非法業界發展得更快、更容易招攬急需要錢嘅女性演出者。