時代改變，風氣變得更加自由，即使係AV女優都唔再需要好似以前咁遮遮掩掩，而係希望透過經營社交媒體帳戶與Fans保持互動，一來增加作品銷量，二來將人氣擴展到非AV迷群眾，所以唔少女優都非常著緊自己嘅社交平台。於是當日前大量日本AV女優、經理人公司以及片商嘅Twitter用戶於一夜之間被Ban，你就可以想像到佢哋有幾咁慌亂啦。

日本網民整理嘅受害者名單

プロダクション毎に分けてみました

一度目のBAN祭り→ティーパをメインにC-moreもBAN、なぜかオールは稲場るかさんだけBAN

二度目のBAN祭り→バンビ狙い撃ちでBAN、なぜかオールは椎木くるみさんだけBAN

明らかにプロダクション毎に狙ってる…？
そしてオールさんの不思議な立ち位置はなんなんや… pic.twitter.com/EVgaA67XVt

— 結城 結弦 (@yuuki_yuduru) April 6, 2022

事情最早係由女優「Miru」於IG上爆出，佢話自己個有50萬Followers嘅主要Twitter，以及幾個副帳戶全部都被Ban，嬲到佢話以後淨係玩YouTube算啦。事情引起大家關注之後，就發現原來唔止「Miru」一個，著名女優Julia、桜空もも、明里つむぎ、初川みなみ、羽咲みはる等超過30名女優嘅Twitter帳戶原來同時被Ban，而且全數都救唔返。

由於昨日被Ban嘅女優都集中於T-Powers及C-More兩間經理人公司，所以曾經有人以為係佢哋得罪人。但到今日情況又再有變，來自不同經理人公司嘅星奈あい、はやのうた等約廿名女優，不論名氣大小同遭封號，甚至連多間經理人公司以及片商嘅Twitter亦有同一命運。前前後後受影響嘅帳戶至少五十個。睇黎係一次對日本AV界嘅全面攻擊。

わぁーーーい！！！！
ずっと楽しみにしていたお仕事無事終わりました！！！

情報解禁が楽しみだ〜☺️☺️☺️
(ありがとうございました！！)

それはそうと私のアカウントまだ生きてる？ pic.twitter.com/V83B7P45rM

— 桃乃木かな (@Kana_Momonogi) April 6, 2022

更重要嘅係，目前日本業界冇人知道究竟發生咩事。只能憑當年係大量越南網民令「白石媽媽」被封號嘅傳聞，去估今次都係黎自日本海外嘅攻擊。目前亦冇任何一個女優、經理人公司或片商能夠成功拿回Twitter帳戶，大家只能再開一個新Account頂住先。

另外值得一提嘅係，著名女優桃乃木かな個Twitter目前係冇事嘅，所以佢就好開心咁出咗個帖文話「睇黎我個Twitter冇事？」，但結果就引黎一部份人話佢揶揄其他受害女優，甚至有經理人公司發表聲明，呼籲大家小心講嘢。睇黎呢單嘢都有排煩啦。