好多人覺得男人同女人對於「美女」嘅定義都好唔同，女人覺得靚我唔覺得靚、女人覺得正我又唔覺得正。日本近日就分別出現兩個女性票選，分別選出佢哋最想要嘅女星樣貌以及身材，大家就可以睇下日本女性嘅審美觀啱唔啱你心水啦！

橋本環奈

北川景子

新垣結衣

今田美櫻

松嶋菜菜子

首先係排位網站「GOO」搞嘅「我想要呢個樣」票選，顧名思義就係叫班女網民選出佢哋最想擁有嘅女演員樣貌，結果頭五名就分別係橋本環奈、北川景子、新垣結衣、今田美櫻及松嶋菜菜子，啱啱好就係兩個新生代 (橋本環奈、今田美櫻)，兩個中生代 (北川景子、新垣結衣)，再加一個成熟系女演員，似乎就代表緊不同年齡層女性們嘅喜好。

田中美奈實

長澤正美

綾瀨遙

Rola

米倉涼子

另一邊廂，Oricon亦搞咗個女性讀者票選「最理想身材」，頭五名分別係大熱主播田中美奈實、長澤正美、綾瀨遙、混血模特兒出身嘅Rola以及米倉涼子。特別要提到嘅係，整理一下女性們投票嘅原因後發現，女性眼中嘅「理想身材」係要有胸有腰有Pat Pat、對腳要長著高踭鞋要好睇、唔太肥又唔太瘦、有啲肌肉得黎身體線條又唔會太男性化，比起唔少男仔更加奄尖——大家男人自己知呀，有胸我哋就已經好開心架啦嘛！

另一樣有趣嘅係，冇一個女演員係同時能夠登上樣貌排行以及身材排行嘅頭十位。係咪應該話上天真係公平呢？