明日花綺羅同三上悠亞早於「惠比壽麝香葡萄」女團時期已經非常老友，感情猶如親姊妹。近日兩位就孖著同Youtuber Riu合照，由於三個都著埋同一件衫，同樣又係短頭髮，日本網民紛紛留言表示「三胞胎？」、「驟眼睇真係分唔到邊個打邊個！」

（圖形截自：Twitter@三上悠亜）

究竟三個有幾似呢？如果齋睇呢張相，唔認熟悉三位靚女嘅朋友會認錯都唔出奇，而且又真係幾似三胞胎，當然唔排除只係美顏相機filter嘅問題。

其實喺幾年前，兩人一齊去關島拍寫真同渡假嗰陣就玩過孖妹打扮，當時唔少人都覺得佢哋扮得似模似樣，仲要求佢哋Cosplay孖妹同台演出。可惜未等到呢一日出現，明日花綺羅就引退轉行做時尚界KOL。