襯呢到人少少，大家自己認，咁大個人有冇諗過自己可以做AV男優？你或者會以為AV男優呢份工嘅難度只係要做一夜七次郎，但有得同女優瘋狂做運動喎，食多幾隻蠔咪得囉！但你錯啦，其實男優真係唔係咁易做，你睇下AV監督Samoari喺Twitter上貼上嘅拍攝嘅花絮照就知架啦！

由於係AV監督嘅關係，Samoari非常清楚一套AV嘅拍攝過程，更能夠了解呢個過程有幾咁辛苦。攝影師擒高爬低先影到大家想睇嘅部位唔在講，你以為佢好幸福嘅男優亦唔好過。

由於要遷就鏡頭，特別係「第一身角度」，男優要一邊「運動」之餘一邊將上半身向後拗，讓出空間畀鏡頭拍攝，個姿勢違反人體工學唔在講，最奇怪嘅係向後拗就會捱咗落攝影師嘅懷中，甚至係兩腿之間。你試想下自己下半身有一「小部份」與女仔接觸，但眼前嘅卻係一個男人，仲要保持狀態先可以繼續拍攝，成件事有幾咁詭異！

另外上面呢張圖亦要特別講一講，首先睇到個男優就覺得腰痛啦；第二就係Samoari監督Post出呢張相之後，竟然有Gas爐發燒友認出背景嗰個Gas爐係罕見型號，又引起一番討論；第三，有冇留意到男優嘅左手手指放咗喺杯水入面？據講，佢係配合自己嘅動作，現場配埋水聲。

睇完係咪好佩服男優們呢？