遇上火警，我哋可以24小時Call消防撲滅火災，但慾火呢家嘢，就唔係人人都24小時On Call幫你處理得到，就算有人幫到你，唔少怕怕醜醜嘅巴打都寧願自己偷偷哋解決就算，呢個時候，你需要嘅可能就係佢——「Tenga飛機杯自動販賣機」！呀！不過補充返，目前呢部機淨係得日本先有咋！

作為一部自動販賣機，當然係24小時營業服務大家！呢部全日本首部「Tenga飛機杯自動販賣機」位於北海道札幌市嘅著名嘅紅燈區「薄野」，8月1日開始正式啟用，官方仲話如果反應好，就會陸續喺其他地區開設。

呢個「Tenga飛機杯自動販賣機」非常貼心，門口有塊布簾仔等你購買飛機杯時可以遮住個樣冇咁尷尬，而且除咗不同款式嘅Tenga飛機杯之外，機入面仲有販賣能量補充飲品，確保你隨時有氣有力同Tenga大戰一番！不過「Tenga飛機杯自動販賣機」同日本嘅煙酒自動販賣機一樣，都裝咗年齡識別系統，所以如果巴打你仲未成年，去到日本就算見到呢部機，都係睇下就算，唔好諗住有得玩喇。