研究顯示定期做愛增長感情

文：MenClub 魏文青　　
POSTED ON 26 Aug 2018

講起做愛，大部份人都係講Mood——包括男人，只係我哋啲Mood黎得密啲咁解——如果要你約定個時間，有如例行公事一樣定期喺屋企做愛，可能唔少人都會抗拒。但根據近日於性研究期刊(Journal of Sex Research)公佈嘅最新研究，發現約定時間做愛，反而會令你嘅性生活更加美滿！

該研究訪問咗大約1000對德國異性戀伴侶，本意係想研究雙方嘅性格(以五大性格特質分為經驗開放、盡責、外向、親和、情緒不穩)與各種性障礙的關聯，但就意外地發現「盡責性」較高嘅伴侶，性生活亦會更滿足。而呢班在研究中被形容為「小心細心盡本份、完成任務盡責任」嘅人，有更高嘅傾向與伴侶約定時間做愛，而且亦願意延遲自己嘅需要及慾望，為對方解決性需要。簡單啲黎講就即係犧牲自己，為人民服務。

縱然「約定時間」、「服務伴侶」呢啲字毫不浪漫，仲可能會令你覺得自己處於一段奇怪嘅關係，但對於一齊咗長時間嘅伴侶，對比起一直追求床上嘅新意，雙方多一絲責任感可能更有效解決同避免性生活問題，令性生活更滿足。