唔好即刻去廁所
做完愛做的事之後，好多男士可能慣性即刻去放個靚水先，但其實啪啪啪完，丁丁嘅海綿體仲充緊血、泌尿系統仲收縮緊未放鬆，所以呢個時候放水會令尿道入面嘅壓力增加，容易傷害到前列腺，引起前列腺炎。所以建議男士們做完愛後5-10分鐘再去廁所會比較好。

唔好吹風
男士們床上咁努力做運動，就算係室內啪啪啪一樣會搞到成身大汗，但唔好因為熱就衫都唔著，一完事就係咁吹風，因為咁樣好容易感冒，而且都不利排汗，都係慢慢散熱穩陣啲。

唔好即刻食/飲凍嘢
啪啪啪係劇烈運動，啪完想飲/食凍嘢都人之常情。但因為做完愛後身體血液會減少流到胃部，如果進食凍嘢，有機會搞到胃痛。

唔好急住沖涼
好多人做完愛覺得身上有好多唔同嘅液體……都想即刻沖個涼，但其實咁做好大機會令對方覺得你嫌佢污糟，會有hard feeling。

唔好急住工作
都市人咁繁忙，做個愛都冇時間，可能你會一做完愛馬上處理返工作，但咁做會令對方覺得你對成件事唔夠投入，做愛都係為咗身體上嘅發洩，唔夠重視佢。