未到七八月，香港嘅氣溫已經高達3x度，真係頂唔_順，下下都想開冷氣。由六月開始計，計到成個夏天，個冷氣日又開、夜又開，唔環保之餘，電費都好甘！但係用風扇，點都比唔上冷氣機涼快，有乜計仔可以一邊慳住嘆冷氣？得～DIY冷氣機咪得囉！

去年有Youtuber就拍咗條片，講如何自製冷氣盒，吹出嚟嘅風，確實比得上冷氣機咁強勁！雖然條片係舊咗啲，但好野唔怕一再分享，總有人未睇過嘅～技癢的話，今晚唔好砌模型喇，砌冷氣機啦！

外國Youtuber Household Hacker就喺網上示範，如何用8蚊美金（約62港元）DIY冷氣機，10分鐘內令間房涼浸浸。

DIY冷氣機所需零件︰一個發泡膠保溫箱（需要保冰效果）、兩個通風管（可買電腦導風管取代）、以及自備一台小電風扇。