Apple今日一口氣推出兩款全新iPad，分別係搭載M3晶片嘅iPad Air 2025，以及搭載A16晶片嘅入門平板iPad 2025。並同步帶嚟全新精妙鍵盤，具備更大嘅觸控板，協助用戶提升工作效率。

全新iPad Air在外觀上維持不變，同樣提供11吋與13吋兩種尺寸，以及四款配色可選。其最大賣點在於升級搭載M3晶片，帶嚟更強大嘅運計能力及AI工作效能表現。官方宣稱，在M3晶片加持下，全新iPad Air整體速度比M1版嘅iPad Ari快2倍，相比搭載A14仿生晶片嘅iPad Air，更快達3.5倍。另外，M3配備更快速嘅神經網絡引擎，能令用戶能夠享用更多iPadOS嘅AI功能，例如移除照片中嘅雜物、將素描草圖變成精美圖片，用戶甚至可以喺筆記空白位置畫圈圈，「影像魔術棒」能根據畫圈範圍上文下理，創作出相關圖像，補足筆記內容。

除此之外，Apple亦同步推出iPad Air嘅完美拍擋-全新精妙鍵盤，具備14鍵功能鍵列及更大嘅觸控板，懸臂設計可調較多種觀看角度，並自帶USB-C充電接口，讓整體操作更接近筆電體驗。

iPad Air 2025(M3)售價為HK$4,599（11吋）及HK$6,299起（13吋），全新精妙鍵盤售價則為HK$2,099（11吋）及HK$2,299（13吋）起，即日起接受預訂，3月12日正式發售。

iPad 2025（又稱iPad 11）

至於全新入門級平版iPad 2025，外觀上延續上代設計，並同樣提供藍、粉紅、黃、銀四款配色可選，但處理器就升級為更快嘅A16晶片，而儲存空間亦改為128GB起跳，售價為HK$2,799起，即日起接受預訂，3月12日正式發售。