{ SKIP }
文:MenClub 魏文青  
POSTED ON 14 Oct 2024

對於大部份玩家黎講,「買Game」嘅意思理應係「我自此擁有呢隻Game,想幾時玩都可以」。但近日著名PC遊戲平台Steam就更改其購買頁面上嘅銷售字眼,強調玩家畀錢買到嘅只係「在 Steam 上該產品的授權」,簡單黎講即係「玩呢隻Game嘅權利」,而非真正「擁有呢隻Game」。

以往當絕大部份遊戲都係單人遊戲、而且所有玩家都(只能)買實體卡帶或光碟時,玩家的確係有遊戲嘅「擁有權」,亦即只要部機同隻Game本身冇故障,買咗返黎之後幾時玩、玩幾耐全憑玩家自己決定。但後來當多人連線遊戲或模式出現,玩家必須通過官方營運嘅伺服器與其他玩家連線,亦即玩家能否遊玩遊戲中嘅(部份)內容係取決於官方如何經營伺服器。喺呢個角度下,玩家嘅擁有權其實已經部份被「遊玩權」所取代。

不過過去廠商即使停運伺服器,通常都會容許玩家保留單機遊戲嘅內容。例如今年初Sony宣佈《Gran Turismo Sport》停服,但玩家仍然能保留車庫內所有車,亦可以於離線模式下繼續玩。另一啲遊戲雖然未必有類似安排(或根本冇單機遊戲嘅部份),但玩家亦可以利用遊戲本體進入私人搭建嘅「私服」遊玩。再加上絕大部份玩家即使面對心愛遊戲關服,大多都選擇換Game玩,所以一直未有大問題出現。

據外媒推測,Steam今次更改字眼,好可能為咗配合九月時發佈,將於明年生效嘅美加州「AB 2426」州法。AB 2426要求出售銷售數位內容時,若非「賦予無限制的擁有權,或附帶有時限的租用選項」,則不得使用「買(Buy)」、「購買(Purchase)」等字眼作宣傳。而之所以會有AB 2426呢,又要講到大家嘅「好朋友」Ubisoft。

話說Ubisoft於今年3月時終止咗雖然於2018年已經咗出咗續集,但仍然有好多人玩緊嘅開放世界多人線上賽車遊戲《The Crew》嘅伺服器營運。而且即使隻Game有好多可以繼續單機遊玩嘅內容,但由於Ubisoft要求要連上官方伺服器先可以玩,停服就代表連單機內容都玩唔到。更甚嘅係停服幾日後,玩家發現再次點開《The Crew》時會出現「你不再有此遊戲的授權」,遊戲亦自動被移到玩家遊戲庫中嘅「已停用」欄位。《The Crew》引發嘅爭議,被視為加州推出AB 2426嘅觸法點之一。

資料來源:Engadget

近日著名爆料人Sonny Dickson於X貼上多張iPhone 17系列模型機照片,疑似係配件製造商所使用嘅金屬模具,揭示iPhone 17、iPhone 17 Air(全新機型、取代Plus)、iPhone 17 Pro以及iPhone 17 Pro Max四款機型最新外觀 ...
tech
【科技】iPhone 17全系列模型機曝光!相機模組更巨大、Air厚度僅5.65mm
17 Mar 2025
隨住硬件上能夠改進嘅嘢越黎越少,近年各個手機品牌都主力發展手機嘅AI功能,甚至已經有唔少人係因為要用、或者想用AI而決定換機。但如果你係睇中Apple去年宣佈、號稱能夠「更個人化」嘅新Siri而換機的話,相信你就 ...
tech
【科技】新Siri延至明年登場 Apple:「比我哋想像中更花時間」
13 Mar 2025