講咗好多年嘅Spotify Hi-Fi無損音質訂閱方案終於有消息，仍處於「早期階段」，尚未公布具體上架日期。

最近Spotify執行長Daniel Ek在財報會議證實，Spotify正在開發更高級嘅訂閱方案，比目前嘅Premium方案貴5美元，定價大約每月17-18美元（約132-140港元），向用戶提供更高音質嘅串流音樂、更多控制選項，以及尚未準備公開嘅功能。不過，該方案目前仍處於「早期階段」，未知幾時正式上架，亦唔知「更高音質」究竟指CD規格嘅16bit/44.1kHz無損，定還是24bit/96kHz或更高。

值得一提嘅係，目前Apple Music、TIDAL、Qobuz等音樂串流平台都有提供無損音樂串流服務，美國地區價錢分別是每月10.99、10.99及12.99美元，可見Spotify Hi-Fi方案定價相當進取。