近年AI浪潮席捲全球，各行各業紛紛導入，未來或者可以應用在懲罰及教化？最近有科學家提出「未來監獄」概念，聲稱透過向犯人植入AI生成記憶，並展示受害人視角，藉此讓罪犯產生悔意。

據外媒《Daily Mail》報導，近日也門科學家Hashem Al-Ghaili提出一項名為「Cognify」嘅刑事康復方案，旨在向犯人植入由AI生成嘅合成記憶，讓犯人從受害者角度，親自體驗自己嘅罪行對受害者所帶來嘅影響，感受佢哋精神及肉體上嘅痛苦，從而產生同情及悔恨等情緒，往後不再重犯。據Hashem Al-Ghaili所指，雖然進行「Cognify」嘅過程只需要幾分鐘時間，但對犯人嚟講就彷彿「度日如年」，不用長期監禁亦起到教化作用，能大大節省監獄成本，亦可根據犯人罪行嚴重度及刑期「度身訂做」記憶內容。