{ SKIP }
文:MenClub 魏文青  
POSTED ON 11 Jun 2024

Apple於剛舉行嘅WWDC 2024中公佈推出旗下AI服務「Apple Intelligence」,其中多次強調大部份運動都只會於用戶裝置上發生,以減低資料外洩嘅機會,就算真係要使用Open AI旗下嘅ChatGPT,亦會每次事先詢問用家意願。不過擁有Tesla、Space X及X(Twitter)嘅世界首富Elon Musk似乎相當唔滿意,更威脅會禁止所有Apple裝置進入旗下公司範圍。

 

卻說WWDC 2024過後,Elon Musk於X上接連發文,表示「如果Apple於操作系統(OS) 層面整合OpenAI,咁我所有公司都會禁用Apple裝置。呢個係不能接受嘅安全違反行為 (Unacceptable security violation)。」隨後佢補充「禁用Apple裝置」並非只針對員工,而係所有進入其公司範圍嘅人,「訪客將要於大門寄放佢哋嘅Apple裝置,然後啲裝置會被放入法拉第籠 (Faraday Cage) 之中。」所謂法拉第籠其實即係一個由金屬構成嘅籠或箱,由於金屬本身帶有靜電,所以能夠隔絕電磁波,令無線裝置無法使用。情況就同大家入電梯會收唔到電話訊號一樣。

另外著名科技產品YouTuber Marques Brownlee(即YouTube頻道MBKHD)睇完WWDC 2024後,亦於X總結咗Apple Intelligence,並指係「使用私有雲運算以利用大型語言模形,同時保護你的私隱……你的資料永遠不會傳輸到Apple手上」。而Elon Musk就主動去留言:「Apple話『保護你的私隱』,但又將你啲資料送去畀一個佢哋都唔了解、自己又整唔出嘅第三方AI,呢個唔叫『安全』囉!」

換言之Elon Musk似乎相當擔憂Apple整合Open AI之後,會造成嚴重嘅資訊保安問題。

 

不過外媒似乎Elon Musk嘅擔憂頗為無稽。例如《Techcrunch》就認為Elon Musk「似乎誤解咗Apple與OpenAI之間嘅關係,或者至少係希望為討論用家私隱留出空間」、「Musk的反應顯示佢相信OpenAI被深深整合於Apple的作業系統之中,所以有閱讀所有用家資訊的能力」。

但正如上面MBKHD所指、又或如《Techcrunch》報導,Apple Intelligence與OpenAI (ChatGPT) 嘅關係其實遠非「整合於作業系統之中」。於iOS18中,當用家問Siri某個問題,Siri會先嘗試用裝置上(即係Apple啲M系列CPU)嘅算力提供答案;而當Siri覺得ChatGPT會幫到手時,就會先問准用家,然後自動去問ChatGPT,簡單而言即係幫用家慳咗「打開ChatGPT個APP自己問」呢個步驟。

值得一提嘅係,私人投資基金Sutter Hill Ventures嘅首席技術長Sam Pullara亦於X上發文,以類似上述嘅意思解釋Apple及OpenAI之間嘅關係。而Elon Musk就回復道:「咁 (ChatGPT) 就Keep返做一個獨立App啦。廢話 (Bullshit)。」表達佢同OpenAI及ChatGPT嘅深深不信任。

智能手錶、智能手環、智能戒指大家就聽得多,但智能波鞋大家又聽過未?最近Samsung就喺荷蘭限量推出一款名為Shortcut Sneaker嘅智能波鞋,讓用家能夠直接用腳操控手機播放音樂或打電話。 據官方介紹,呢 ...
tech
【科技】Samsung限量推出智能波鞋 用腳操控打電話播歌
14 Jun 2024
ChatGPT等「大型語言模形」(LLM) 正迅速進入人類生活,甚至有唔少人已經培養出「有事問AI」嘅習慣。但只要試用過就會發現,呢類LLM提供嘅資訊往往不準確、錯誤甚或「無中生有」,令使用者未能盡信。目前業界稱呢種現 ...
tech
【AI】最新研究:AI提供錯誤資訊唔係「有幻覺」,而係純粹「9噏」
13 Jun 2024