{ SKIP }
文:MenClub 魏文青  
POSTED ON 06 Jun 2024

隨住Netflix去年宣佈打擊共用帳戶行為,Disney+近來亦正式跟進,自6月起將會以英國以及另外數個國家作為試點,禁止訂閱者與非同住人士共用同一組帳戶密碼。

Netflix於去年夏天宣佈打擊共用帳戶,如果訂閱者想與非同住人士共用同一組帳戶密碼,就必須多付一個按人頭計算嘅「額外成員」費用(每位$28),而且標準及高級方案只能增加一位額外成員,而更簡單嘅方法當然就係同「寄生人」直接分家。但無論係邊個方法,對Netflix黎講都係多咗訂閱者又收多咗錢。例如早前公佈嘅第一季財報中,訂閱人數就增長咗16%。

目前Netflix的額外成員方案

圖片:Netflix

Disney CEO Bob Iger過去曾公開表明視Netflix為「串流平台嘅金科玉律」、「如果我哋可以做到佢哋做緊嘅嘢,咁就好了」,所以今次Disney+跟隨打擊共用帳戶其實唔算突如其來。據報目前Disney+以英國為試點開始推行相關政策,於訂閱者處於另一家庭(可能係從IP或地理位置分辨)嘅人將無法使用同一組帳戶密碼。同時據知Disney+亦會推出如同Netflix「額外成員」嘅方案,但包括價錢等具體細節目前仍係未知之數。

據報Disney最快會於9月於全球推行打擊共同帳戶新政。換言之香港嘅各位都要最做心理準備啦。

資料來源:GB News

上星期為大家報導過,自從Google推出「AI總結」功能,令用家無需按入網站連結都可以獲得相關資訊後,有外媒表示其網站流量大減89%。因為當時嘅報導無講到媒體公司可以點應對,所以睇落就似乎係肉隨砧板上。不過近日 ...
tech
【AI】AI總結損害網站流量 《滾石雜誌》母公司控告Google
16 Sep 2025
近年各大廠商紛紛投入研發AR智能眼鏡,就連Amazon都打算分一杯羹!最近有消息指Amazon正在積極開發兩款全新AR眼鏡,計劃2026年底或2027年初推出。
tech
【挑戰Meta?】傳Amazon正在開發兩款AR眼鏡 最快2026年底上市
11 Sep 2025