{ SKIP }
文:MenClub 魏文青  
POSTED ON 01 Feb 2024

由The Browser Company推出嘅「Arc」瀏覽器,近年憑其與別不同嘅分頁及書籤管理方式、以及結合AI功能而急速冒起,甚至被視為能夠取代Chrome成為「瀏覽器一哥」。不過由於Arc並未正式推出,所以目前只能加入等候名單,然後…等。但另一邊廂,The Browser Company日前就推出iOS應用「Arc Search」,並結合瀏覽器、搜尋引擎以及AI等多個功能,令iOS用家能夠率先體驗AI帶來嘅便利性。

假設你依家想搵下觀塘有咩好食,正常黎講就係打開手機瀏覽器、搜尋「觀塘」、「美食」等關鍵字,然後自己從N個搜尋結果中搵出有用嘅資料。而Arc Search嘅最大特色,就係多咗個叫「Browse for me」嘅功能,即係用家可以直接輸入完整問題(如:觀塘有咩好食?),然後Arc就會自動幫你搜尋、再閱讀搜尋結果,然後用AI將資訊整理成一個新嘅網頁。而新網頁中除咗會有餐廳名、餐廳圖片之外,甚至會為你整理出其評價、大概位置以及名菜等,同時亦會提供資訊來源,比起你用ChatGPT得到嘅答案更詳盡,同時更容易閱讀。

目前香港用家都可以於App Store上下載Arc Search,不過或者係因為未支援中文嘅關係,所以如果你用中文搜尋的話有可能會Hang機;另外Arc Search亦有目前任何AI工具嘅弊病,亦即整理完嘅資料未必準確。

以360度全景相機聞名嘅Insta360,早前宣布成立子品牌「Antigravity」進軍無人機市場,今日終於正式公開首款產品「Antigravity A1」!呢部無人機支援8K解像度全景拍攝,並透過專屬眼鏡及體感手柄操作,為用家帶嚟前所 ...
tech
【科技】Insta360子品牌首款無人機「Antigravity A1」正式登埸!8K全景拍攝、用眼鏡及手柄操控
15 Aug 2025
作為一個成年男性,相信大家對於OnlyFans都唔會感到陌生,甚至本身就有課金支持購買創作者嘅內容。但根據一個西班牙最新研究,OnlyFans唔單止吸引到成年人,仲吸引到大量青少年關注,而且佢哋唔係睇下咁簡單,而係因 ...
tech
【科技】研究發現青少年非常熟悉OnlyFans 甚至視為傳統工作及教育的代替品
12 Aug 2025