{ SKIP }
文:MenClub 魏文青  
POSTED ON 05 Jan 2023

卻說聖誕節前我終於買到PS5,但拎到返屋企就發現一個重大問題:部PS5比我想像中大部好多,於是我個本身僅僅夠放部PS4個位,根本就放唔落部PS5。我相信,喺寸金尺土嘅香港,呢個問題絕對唔係得我要面對。而以下要介紹呢架日本出嘅「主機手推車」,就可能幫你完美咁解決問題啦!

呢架手推車叫做「Gamer's Garage (ゲーマーズガレージ)」,顧名思義就係可以將同打機有關嘅所有嘢一次過放哂入去。其中每一層嘅闊度都係啱啱可以打橫放到部PS5,而每一層嘅層板亦有凹位,可以將啲Game完美咁攝入去,同時亦可以安放Switch個充電座。再加上手推車側邊有掛手掣,以及Ring Fit等週邊嘅位置,架手推車甚至自帶HDMI轉換器以及拖板 (日本製式),販售頁面仲話你可以成個Mon掛上去。所以簡單啲黎講,只你將啲嘢塞哂入去,佢就可以成為你嘅一站式打機中心。

呢架「Gamer's Garage」於日本Amazon上有售,連HDMI轉換器同拖板嘅價錢係9980Yen,即係大約HKD$600左右。比起市面上其他同類主機收納產品黎講,算係夠平又夠實用嘅抵玩之選。可惜嘅係,目前於日本Amazon上,連有埋Mon嘅貴版都已經賣哂。大家可能要捕下佢幾時返貨啦。

資料來源:Amazon

隨住硬件上能夠改進嘅嘢越黎越少,近年各個手機品牌都主力發展手機嘅AI功能,甚至已經有唔少人係因為要用、或者想用AI而決定換機。但如果你係睇中Apple去年宣佈、號稱能夠「更個人化」嘅新Siri而換機的話,相信你就 ...
tech
【科技】新Siri延至明年登場 Apple:「比我哋想像中更花時間」
13 Mar 2025
自從早前《Monster Hunter Wilds》推出之後,相信唔少人近日都「拋妻棄子」努力斬龍,甚至惹來另一半抱怨你「掛住打機唔理我/頭家!」。面對呢種靈魂拷問你可以點答?當然就係引經據典黎駁斥佢啦!最近一個新研究就 ...
tech
【電玩】打機有理!打機無罪! 研究指開放世界遊戲有助改善心理健康
11 Mar 2025