{ SKIP }

POSTED ON 08 Sep 2022

iPhone 14

iPhone 14、iPhone 14 Plus

首先,M字額依然健在,整體外型用iPhone 13幾乎一樣。正如事前傳聞所指,Apple放棄早兩代叫好不叫座嘅「Mini」系列,改為推出螢幕有6.7吋嘅「iPhone 14 Plus」。Apple聲稱iPhone 14嘅電池續航力可以「用到成日」,但就冇提供實際時間;而iPhone 14 Plus就係「歷代iPhone 最好」,同樣冇提供時間。

兩款型號都沿用舊年推出嘅A15晶片。後主鏡頭為1200萬像素、光圈增大至F.1.5,低光拍攝表現更好,同時有光學防震。前鏡頭為1200萬像素,F1.9、配有自動對焦嘅TrueDepth鏡頭。之前一直有傳嘅「衛星網絡」並無出現,取而代知嘅係新加入嘅「衛星緊急SOS」功能,簡單黎講就係透過連接衛星,於普通網絡收唔到嘅地方都可以緊急求助。Apple話天朗氣清嘅時候,最快只需15秒就可以傳出求助訊息。「衛星緊急SOS」功能將於11月推出,第一階段只限美國及加拿大地區使用。

同時美國版iPhone 14全面轉用eSIM,Sim卡卡糟會移除。

iPhone 14售價由$799美金起、iPhone 14 Plus由$899美金起。9月9日起開始預定,iPhone 14最快9月16日出貨,iPhone 14 Plus則要等到10月7日。

iPhone 14 Pro

Dynamic Island

iPhone 14 Pro、iPhone 14 Pro Max

如果你好憎個M字額,新嘅iPhone 14 Pro系列就係你目前嘅唯一選擇。Apple叫呢個新嘅前鏡頭位置「Dynamic Island」,黑色部份會結合不同通知而改變大小及形狀,同時亦可以顯示音樂播放、計時等功能,令前鏡位置顯得更順眼。

螢幕大小維持6.1吋 (iPhone 14 Pro) 及6.7吋 (iPhone 14 Pro Max),但邊框變得更幼,同時螢幕亮度可達1600尼特,某啲情況更可達2000尼特。同時配合iOS16嘅新桌面設計,加入螢幕「Always On」功能。螢幕刷新率亦升級至120Hz。

硬件方面,iPhone 14 Pro系列配備新嘅4nm製程A16 Bionic晶片,更快、更慳電。主鏡頭升級至4800萬像素,F/1.78,24mm焦距。而且由於鏡頭像素大增,能夠透過裁剪像素「Photo Binning」而得到真正嘅2倍變焦高清 (1200萬像素) 相片。廣角鏡頭亦有所提升,微距效果及低光拍攝都更好。

iPhone 14 Pro售價由$999美金起,iPhone 14 Pro Max由$1099美金起,兩者都9月16日出貨。另外除咗常見嘅黑、白、金之外,新增深紫色,睇黎會成為新嘅搶手款。

iPhone目前嘅完整產品線

Apple Watch

Apple Watch Series 8

除咗大家都估到嘅「邊框變窄、螢幕更大,更光」之外,比較新穎嘅係加入溫度感應器,實際上最有效嘅應用就係畀女性用黎追蹤體溫,從而計算排卵期,再透過Apple Watch及iPhone通知用家。同時亦可以自動監察月經週期,當出現偏差時同樣會通知用家。相關資訊會整合至「健康」APP而且加密傳送到iCloud備份。其次就係Apple Watch內嘅動作感應器有更新,能夠更準確地偵察撞擊,並主動提供協助 (例如報警)。

新加入嘅省電模式能夠將電池壽命由18個鐘延長至36個鐘,Series 4或以上、而且更新到WatchOS 9嘅Apple Watch都可以用到。9月16日正式發售,普通版售價為$399美金、流動網絡版$499美金。

Apple Watch Series 8

Apple Watch Ultra

新Apple Watch SE

有銀、黑、金三色,與Series 8用同樣嘅晶片、同樣有新嘅動作感應器。普通版售價為$249美金、流動網絡版$299美金。

Apple Watch Ultra

專為極限運動、極地探險而設嘅新Apple Watch。用上49mm鈦金屬錶殼,配上平面嘅藍寶石錶面玻璃,係目前最大嘅Apple Watch,同時螢幕亮度達2000尼特。新增一個可以自定功能嘅Action Button,按鈕同旋鈕都特意設計成戴住手套都用到,電池續航力亦增強至36小時,配合稍後推出嘅電池優化更新之後更可達60小時。有為海上、登山等不同活動而設嘅錶帶。功能上,加入「L1+L5」雙重GPS頻率,定位更為準確,防水能力亦增強至WR100,加入80分貝嘅警示聲音方便求助。配合新推出嘅Oceanic+應用程式,可以代替一般潛水電腦錶。只有流動網絡版,售價$799美金,9月23日開售。

AirPods Pro第二代

外表與舊AirPods Pro基本上冇分別,但就配上新嘅H2晶片以及高頻連接,Apple話會更加好聲。主動降噪功能提升,「能夠消除2倍多嘅噪音」。新增「適應式通透模式」,即係會按環境噪音嘅大細,調節環境聲音量。耳機電池續篇為6小時,配合充電艙總使用時間為30小時。另外充電艙、兩邊耳機終於都識得分別發聲,方便大家搵返。

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024