相信有睇過部份未來科幻電影嘅你，都會感覺到現在所提及嘅元宇宙概念，都需要你日日帶住VR眼鏡進入虛擬世界，但就好似置身於真實世界一樣。對於呢個概念，雖然好多人好Buy，但係亦都有人持相反意見，其中就包括科技巨頭Apple。

對於而家時下最熱門嘅話題 - 元宇宙，有消息指Apple並不贊成呢個讓人類進入虛擬世界嘅構念，因為其公司係主張以數碼科技去增強現實，而Meta嘅元宇宙概念則完全相反。

當然你可能會覺得Apple只係講一套做一套，因為佢地都正打造VR/AR眼鏡，但有指佢地只係想增加遊戲方面嘅體驗，而唔係鼓勵所有人長時間帶住呢啲眼鏡去生活。

進入虛擬世界，可能會有與別不同嘅體驗，但亦有人直接指出呢個其實只係人們逃離現實嘅一個方法，唔知你又點睇呢?