{ SKIP }
文:MenClub 魏文青  
POSTED ON 10 Jan 2022

喺電影《Matrix》入面,啲機械人為咗用人類發電,所以困住哂佢哋,然後又發現如果就咁困住,人類會好快死,所以就整咗Matrix出黎「欺騙」人類 (於虛擬世界中) 快快樂樂生活落去。而呢個邏輯原來於現實世界都真係可行!不過就唔係用喺人身上,而係用喺奶牛身上。

據外國媒體報導,一名來自土耳其嘅奶牛農夫Izzet Kocak,喺睇到一篇研究話用VR技術令奶牛誤以為自己身在草原,會令啲牛更加開心,從而增加牛奶產量,於是就買咗兩副返黎試下,結果發現真係有用!嗰兩隻奶牛嘅牛奶日產量由22公升增加到27公升,比起以前播古典音樂安撫奶牛情緒更有用。未來佢仲會買多十組VR眼鏡返黎,令更多奶牛加入呢個「牛版Matrix」之中。

俄羅斯研究

圖片:俄羅斯農業部 Via Verge

「牛版Matrix」技術其實係來自俄羅斯。據報,當地研究員聯同獸醫等專業人士,於莫斯科附近嘅Krasnogorsk地區進行相關研發,為咗要配合牛隻只能睇到黃、藍色而且頗差嘅視力,VR顯示嘅影像更加要特製。但俄羅斯農業部就話「牛版Matrix」真係能夠「減低焦慮及改善情緒」,從而提升牛奶嘅產量同質量。而Izzet似乎就用實際結果證實相關研究。

咁就不禁令人想像,如果有一日相同嘅技術用喺人身上,又會有咩效果?一路睇VR…然後喺個身到擠啲白色嘅嘢出黎……嗯?

資料來源:DailyMailVerge

你又覺得換唔換Type-C好?
tech
【Apple】分析指2023年iPhone將以USB-C取代Lightning接口
17 May 2022
當年仲未有太多Online Games嗰陣,相信唔少朋友都會玩下Windows內建嘅「彈珠台」、「踩地雷」,「接龍」等小遊戲解悶。為迎接Google I/O 2022開發者大會,日前Google就推出彈珠台網頁遊戲「I/O Pinball」重現經典, ...
tech
【經典遊戲】Google推出「彈珠台」網頁遊戲重現經典 電腦、電話都玩到
12 May 2022