{ SKIP }
文:MenClub 魏文青  
POSTED ON 05 Jan 2022

我相信任何一個成長於千禧年代嘅男仔,都一定非常熟悉電腦嘅資料夾系統,因為要識咗佢你先可以將啲AV收埋喺「D Drive」入面嘅「我的文件」入面嘅「生肖運程」入面嘅「龍年」入面嘅「右滑鼠」入面嘅「新增資料夾」之中而唔被老豆老母發現。但據多位外國大學教授指,Z世代 (即千禧年左右出世) 原來係唔識用電腦嘅資料夾系統。

圖片:Pixabay、Unsplash

去年九月時,外國媒體《Verge》就報導過,多間大學嘅老師、教授們不約而同地發現學生對於「資料夾系統」毫無頭緒,最多見嘅就係讀理工科 (STEM) 嘅同學做完啲Project唔知Save咗去邊,Save咗又唔知點搵返出黎。據估計,Z世代之所以唔識用「資料夾」,其中一個原因係佢哋現實中已經好少整理紙張文件,所以缺乏「某份文件喺某個櫃桶中嘅某個文件夾入面」嘅概念,自然就唔識用基於同一理念而產生嘅文件夾系統。

另一個原因,就係因為現代嘅電腦、電話都有容易使用嘅「搜尋功能」 ,對於從小就「搜尋」嘅Z世代,電腦更似係一個乜鬼都有、只要輸入關鍵字就會搵到想要嘅嘢嘅大籃,而非一個整齊而且有層次嘅文件櫃。

圖片:Pixabay

作為一般用家,唔識用資料夾系統實在就冇咩問題,但作為工程師,好多時都需要直接輸入文件路徑,令程式能夠使用某個文件,缺乏資料夾系統概念就代表班學生讀書冇問題、智商冇問題,但就係用唔好啲系統。

但計我話,搞到班學生咁嘅最大元兇,一定係ThisAV同Pornhub。想當年我為咗收埋啲辛辛苦苦用56K上網Down返黎嘅珍藏,連點整隱藏資料夾都學埋,依家啲人用個無痕模式就得,自然就唔使學啦!

資料來源:Verge

你又覺得換唔換Type-C好?
tech
【Apple】分析指2023年iPhone將以USB-C取代Lightning接口
17 May 2022
當年仲未有太多Online Games嗰陣,相信唔少朋友都會玩下Windows內建嘅「彈珠台」、「踩地雷」,「接龍」等小遊戲解悶。為迎接Google I/O 2022開發者大會,日前Google就推出彈珠台網頁遊戲「I/O Pinball」重現經典, ...
tech
【經典遊戲】Google推出「彈珠台」網頁遊戲重現經典 電腦、電話都玩到
12 May 2022