Elon Musk喺今年8月震撼宣布，Tesla正研發一款人形機械人「Tesla Bot」，旨在取代人類日常生活中危險、重複且無聊嘅工作。最近佢接受訪問時就透露更多消息，表示Tesla Bot可以發展出獨特性格成為人類夥伴，並非普通機械人。

日前Elon Musk接受AI科學家Lex Fridman專訪，認為Tesla Bot除咗可以幫人類完成重複性工作，解決勞動力短缺問題，隨住時間推移，更可能發展出獨特性格，並同主人喜好匹配，就好似《星球大戰》入面嘅C-3PO或R2-D2，成為人類嘅好夥伴。

之不過呢，Elon Musk就冇透露Tesla Bot具體上市日期，只係話預計2022年年底會有一款見得吓人嘅原型機（prototype）問世，希望佢今次唔會走數啦。