{ SKIP }
文:MenClub 艾力克  
POSTED ON 01 Dec 2021

據外媒報導,近日Elon Musk透過內部電郵通知SpaceX員工,表示重型運載火箭「星艦(Starship)」嘅猛禽引擎(Raptor)陷入「危機」,希望大家放假都返公司陪佢一齊趕進度,並話若然SpaceX冇辦法喺出年達成每兩周發射一次Starship嘅頻率,公司將會面臨破產危機。

近年SpaceX積極研發重型運載火箭「星艦」,打算用嚟載人登陸火星及月球、地球內點對點快速轉運旅客、部署人造衛星等等。但實現以上目標之前,首先要解決引擎問題,日前Elon Musk就喺內部電郵表示猛禽引擎嘅生產危機比預期中嚴重得多,佢本來都想喺感恩節放假,但最後都迫不得已返公司趕進度,同時希望員工們如非有重要事情都返去幫幫手。

Elon Musk又喺信中提到,如果無法順利生產出足夠嘅猛禽引擎推動星艦,將會影響經濟效益更高,功能更強大嘅第二代星鏈(Starlink)衛星部署,事關只有星艦先有能力運載體積更大嘅二代星鏈衛星,總言之如果冇辦法喺出年達到至少每兩禮拜發射一次星艦嘅話,公司就會面臨真正破產危機。順帶一提,目前SpaceX嘅Starlink服務可以話係蝕住做,賣一套天線就蝕一套仍未回本,若然無法順利部署新一代星鏈衛星,意味住公司將會蝕大錢。

資料來源:thevergespaceexploredcnbc

REvil從此消失了...
tech
【一網打盡】黑客組織REvil 14成員全部被逮捕!
19 Jan 2022
繼上年9月歐盟立法統一充電規格後,最近中國工信部亦出手,表示會促進充電接口及技術融合統一,減少電子垃圾提升資源利用率,或者大家好快就可以一線走天下。 據中國傳媒報導,日前中國工信部針對網易CE ...
tech
【科技】中國工信部推動充電接口統一 Apple Lightning接口或被禁用
13 Jan 2022