Beats耳機無論係頭戴性定係入耳性，都以沉實低頻見稱，其音質亦較出色，所以深得唔少用家愛戴。而近日佢地就推出全新Fit Pro全無線耳機，適合一眾熱愛動態人士使用。

Fit Pro機身以靈活具彈性嘅耳翼設計，可以穩固咁貼合你嘅耳朵，同時耳塞亦係抗汗抗水 (IPX4)，所以就算你進行劇烈體能訓練亦都唔容易跌落黎及因汗水而整壞耳機。

而功能上，Fit Pro今次採用全新特製嘅傳感器，聲音好似變得更加強勁，另機殼亦配備空氣壓力調節，從而減少高音失真嘅情況，令聲音表現更加廣闊及清晰。而同時Fit Pro提供三種聆聽模式、自動播放/暫停功能以及，功能多樣化。

唔單止咁，今次Fit Pro更用上Apple H1晶片，支援空間音訊、頭部追蹤功能、主動消噪功能（ANC）、適應性 EQ 以及通透模式等，與現時 Apple 嘅 AirPods Pro 功能相同。

顏色方面，Fit Pro配有紫石晶色、鼠尾草灰、白色及經典黑紅 4 種顏色選擇，預計 2022 年初推出，售價約 $200 美元。