科技界似乎吹起一股「智能眼鏡風」，日前Facebook宣佈與Ray-Ban合作推出智能眼鏡、然後又有傳Apple會於今晚 (聽日凌晨) 舉行嘅發佈會公佈其智能眼鏡，中國小米亦於今早公佈推出AR智能眼鏡「小米智能眼鏡」。

小米今早於微博公佈「小米智能眼鏡探索版」，外型與一般眼鏡並無大分別。據其宣傳片所講，眼鏡佈置一個0.13吋嘅MicroLED顯示屏，再透過光波導技術令畫面顯示於鏡片之上，可以黎顯示通知、通話、導航、拍照 (使用時LED燈會亮起)，又或拍照後直接顯示翻譯。

小米手機嘅微博亦指，小米智能眼鏡有內置處理器、WiFi及藍芽等功能，使用Android系統，所以並非小米手機嘅「第二塊屏幕，而是獨立操作的全新智能終端」。值得一提嘅係小米目前冇公佈能否換上有度數嘅鏡片。