手機市場訊息萬變，你又知唔知而家香港最多人買嘅牌子係邊個? 係咪Apple? 定係Samsung呢？

根據香港市場調查機構GfK數據顯示，2021年1月至6月香港智能手機銷售總數量及總額排行中，排名第一位嘅都係「三叔」Samsung。

Samsung今年上半年合計推出多款5G手機，包括旗艦手機Galaxy S21 5G系列、中階機Galaxy A52 5G，亦有親民版Galaxy A22 5G等，成功搶佔不同需求嘅市場。

另外， Counterpoint Research最近發出嘅研究報告就指，Samsung喺摺疊屏幕手機屬於領先位置，預計於今年佢地會喺全球摺疊屏幕手機市場上稱冠。其中兩款新一代摺疊屏幕手機Galaxy Z Fold3 5G 和 Galaxy Z Flip3 5G亦已經宣佈推出，仲有 Thom Browne 特別版香港今次都繼續有份賣，絕對唔可以錯過。

而報告提到，2021年全球摺疊屏幕手機出貨量約900萬部，其中Samsung市場佔有率全球最高，達到 88%，預計今年全球出貨量會比去年增長三倍，2023年更預計會增長達10倍，估計到時Samsung喺摺疊屏幕手機市佔率將達到75%。