大牌子有新動作，通常都有相當的吸睛度，例如，Instagram今次推出「Layout from Instagram」新app，玩法其實同坊間的Photo Collage apps大同小異，就係可以俾你將唔同照片合拼，再放入自選相框，加埋filters成為一張新相，任你儲存於手機之中，或者放上各大社交平台，不過暫時只有iOS系統受惠有得玩，Android機就要等一等。

當然啦，Instagram又點會咁悶，唔諗啲新招式出嚟俾大家玩吓呢，「Layout from Instagram」最特別之處，增設了名叫「Faces」的新功能，按下「Faces」，佢會自動幫助你挑選有人面嘅相片，過濾一批只有景觀或環境嘅相片，方便你係party或gathering之後，好快可以將各位親朋戚友嘅相集合成一張。

至於其他基本功能，drag同drop張相、調較相片尺寸、filp相加倒數自拍都一一具備。發揮完你執相嘅小宇宙之後，你可以選擇放係唔同嘅社交平台上面，無話只可以放係Instagram咁唔大方嘅！