對於香港呢啲大城市而言，陸路自不然係最方便快捷嘅郵遞方法，不過世上有唔少住得偏遠嘅人每日都為超長郵遞時間而苦惱。近年唔少大型電商同科技巨頭就相繼推出無人機送貨服務，最近就連英國皇家郵局（Royal Mail）亦宣布加入行列，表示即將測試用無人機為偏遠島嶼派郵件，初期會以遞送肺炎病毒測試產品、個人防護設備以及一般信件為主。

大型雙引擎大型無人機能夠承載約100公斤。（圖片截自：Royal Mail）

據了解，英國皇家郵政將於英國西南角外海嘅錫利群島（Isles of Scilly）開始測試，透過一架能夠承載100公斤嘅雙引擎大型無人機，從英國本土起飛將郵件送到錫利本島機場，再由機場用多部小型無人機派送到島民手上。

郵件到達機場後會由小型無人機送到居民手上。（圖片截自：Royal Mail）

英國皇家郵政將會聯同University of Southampton（修咸頓大學），以及Windracers、Skyports、Consortiq等無人機製造商，展開為期一個月測試。皇家郵政表示，對於偏遠而言，用無人機送件更加節省人力物力，若然居民接受度高，將會擴大無人機送件服務到全國有類似需求嘅地區。

資料來源：theguardian