為免地球物種因天災人禍而滅絕，最近美國有科學家計劃將地球上約670萬種物種嘅精子、卵子及種子「射上」月球並建立儲存庫。

（圖片截至：forbes）

現時地球臨多種無法預測嘅危機，地震、火山爆發、隕石襲擊、極端氣候，更甚人類自己造成嘅核災害，通通都有機會令地球物種瞬間滅絕。有見及此，美國亞利桑那大學（University of Arizona）計劃將地球上所有物種嘅精子、卵子及種子送上月球，並建立一個儲存庫。

（圖片截至：forbes）

計劃負責人Jekan Thanga表示，所謂嘅「月球方舟」計劃，就係於月球表面下嘅熔岩管道興建一個冷凍儲存庫，電力將由設置月球表面上嘅太陽能發電板提拱。而熔岩管道早於幾十億年前天然形成，距離月球表面80-100米，溫度恆定又可以阻隔宇宙射線，係一個非常適合做儲存庫嘅地方。

位於挪威嘅斯瓦爾巴全球種子庫。

事實上，呢種「方舟」諗法並唔係第一次出現。現時挪威就有一個全球種子庫（又被稱為「末日種子庫」），用於保存全球農作物種子。當有植物出現滅絕時，人類可以從種子庫提取植物DNA複製。