美國電動車初創公司Fisker表示，會將品牌第二款電動車交由台灣鴻海富士康代工組裝，最快於2023年開始投產。

據Fisker指，新款電動車將係「有未來感」、「前所未見」以及「價錢實惠 (Affordable)」，並會於2023年正式推出。Fisker CEO Henrik Fisker「我哋出嘅唔係只係一架普通電動車，我哋希望推出一架對某啲人黎講可能會有少少得人驚嘅車」。同時佢回應《Reuters》時指出，富士康唔係單單代工組裝咁簡單，而係會負責部份設計工作。

Fisker 第二款電動車嘅概念圖

總部設於台灣嘅富士康以為Apple代工iPhone等產品而聞名於世。值得一提嘅係Apple近來亦有意推出電動車，坊間傳聞指Apple曾與韓國Hyundai、日本Nissen等傳統汽車品牌接洽，但目前依然未有進一步消息。