CES 2021正式開幕，首日有LG、Samsung、Panosonic等多個家用電器大廠，其中Samsung就以智能家居為主題，其中就公佈研發緊智能家務助理「Bot Handy」。

圖片：Samsung

呢個睇落好似個大型暖風機再加隻機械手臂嘅Bot Handy，與上年嘅Bot Ballie、今年嘅Bot Care一樣，屬於AI家務小幫手系列。不過由於Bot Handy多咗隻手，能夠做到嘅嘢就更多。官方聲明中指Bot Handy能夠認出唔同物件嘅大小、形狀及重量，再決定隻機械手要用幾多力去捉住該物件而唔會整爛，片段中可以見到Bot Handy幫手執碗入洗碗碟機、幫手斟酒、插花，仲識得單眼敬禮。

Samsung仲話佢哋研發緊Bot Retail系列，亦即係畀零售業用黎服務人客嘅版本，目前未知道Bot Handy幾時、又係咪真係會推出市面。我就希望佢可以整一部細部啲嘅出黎，如果香港大部份屋放到部Bot Handy，就放唔設個人入去架啦。