隨住電動車越黎越成熟，電力取代化石能源嘅日子似乎越黎越近，而BMW嘅「BMW i」最近亦研發出一個以電力驅動嘅人用飛行推進器，能夠令飛鼠滑翔嘅速度突破時速300公里。

圖片：BMW

今次嘅實驗由BMW i、Designworks及奧地利職業飛鼠滑翔選手Peter Salzmann合作，總共用咗三年時間研發，其成果就係一個固定於胸前嘅電動推進器，當中嘅兩個碳纖扇葉每分鐘轉動25,000次，合共提供約15kW動力，額外動力令Peter於空中能達至超過300km/h高速、亦能達到更高海拔以及更長飛行時間。而Peter早前亦於家鄉奧地利嘅阿爾卑斯山脈進行試飛。