{ SKIP }
文:MenClub 魏文青  
POSTED ON 09 Nov 2020

近年大家都非常關注個人資料安全,但有時你再小心都好,收集咗你個人資料嘅商戶唔小心都係一樣出事。《Website Planet》日前就發表報告,指酒店預訂網Expedia集團(包括Expedia、Agoda、Booking.com、Hotels.com等港人常用預訂網)有數以十萬計用戶資料外洩,當中包括用戶個人資料、信用卡資料、預約資料等。

《Website Planet》於報告中指出,資料洩漏源頭係一間名為「Prestige Software」嘅西班牙公司,佢哋提供連接不同預訂網站嘅雲端服務,令各個平台都能提供最Update嘅房間資料 (即係你喺Expedia訂咗A酒店某間房,Prestige Software就會話畀其他平台知A酒店嘅呢間房冇咗),換言之佢哋係收集哂各個平台嘅所有用戶交易資料。而由於佢哋使用嘅Amazon Web Services S3 Bucket設定錯誤,令到由2013年到依家嘅共24.5GB、近1000萬條紀錄檔案 (Log File) 外洩。

雖然紀錄檔案係紀錄哂用戶於預訂網站上嘅每一次交易,包括更改或取消行程,但同時一次預訂中亦可能會包括多個用戶嘅個人資料,所以《Website Planet》無法肯定實際上有幾多人嘅資料被外洩。但肯定嘅係Log File中包括用戶嘅全名、電郵、身份證號碼、電話號碼、信用卡號碼(包括到期日及卡背嘅CVV號碼),以及每次預訂嘅價錢、人數、逗留日期等,完全足夠有心人用作偽造身份、信用卡詐騙等。

圖片:Website Planet

由於事態嚴重,《Website Planet》於發現漏動後主動聯絡Amazon作提醒,而Amazon亦於一日內修補漏洞。但由於唔知道漏動存在咗幾耐,亦唔知有冇人於《Webiste Planet》之前發現該漏動並加以利用。

資料來源:Website Planet
自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024