唔少人嘅興趣都係聽歌，但香港大部份人其實都係戴個earphone聽就算，唔係因為佢哋對音質冇要求，而係因為屋企根本冇位放音響器材。而要講到善用家居空間，IKEA都算係代表性嘅品牌 (請自行哼出《宜室宜居有辦法》主題音樂)，IKEA最新就同美國聯乘美國智能音響品牌SONOS聯手推出既係家私，又係音響嘅「SYMFONISK 音響系列」。

SYMFONISK 座檯燈連 Wi-Fi 喇叭

「SYMFONISK 音響系列」目前有兩款產品，分別係「SYMFONISK 座檯燈連 Wi-Fi 喇叭」及「SYMFONISK Wi-Fi 書架喇叭」。前者除咗播歌加照明之外，亦可以配合 IKEA TRADFRI 智能燈膽增添家居氣氛；後者唔單止係一個可以放喺書架嘅喇叭，只要配合上牆配件，佢本身就已經係一個書架。配合SYMFONISK 聲音遙控器 或 TRÅDFRI 應用程式控制播放。

SYMFONISK Wi-Fi 書架喇叭

而整個系列都用WiFi連接，透過SONOS Trueplay技術調節喇叭，並通過 SONOS 應用程序控制全屋多個喇叭，甚至能夠配對同款產品，以至SONOS其他家庭影院產品營造立體聲體驗。而且由於使用WiFi連接，電話位置、以至有電話入都唔會影響音樂播放，聽歌體驗就更加流暢。

系列由10月8日起於IKEA香港及澳門分店有售。